chegou o verán

este venres nicetrip presenta colección de verán na pasarela parrote, na seoane a partir das 20.45.
promete ghlamur e diversión ;)

pérez pallaré no rick's

xosemaría perez pallaré era un poeta de fene que, entre outras obras memorables, fixo pai a mario regueira do seu primoxénito poético. e nestes días o premio que leva o nome do citado poeta fai pública a súa segunda convocatoria para autores inéditos.

isto lévame a contarlles ademáis que el é o amable causante dunha cadea de cousas que levaron á resaca soberana que deixou a presentación de mario nos que o visitamos o sábado para acompañalo en tanxerina-que edita espiral- e na súa viaxe. a velada, na camarilla de crechas, foi unha algarabía de voces amigas que fixeron caras bes dos poemas do homenaxeado, ademáis de ler unha tanxerina e un poema propio. acompañado iso da guitarra de miguel, para quen toda a poesía é rocanrol, tango de sintasol como fin de festa, moito sentimento e regadío da mellor estrella patria... boten contas.

que liante eres mario, pero que ben che quedou. pérez pallaré estaría orgulloso de ti.
e a nós, sempre nos quedará portugal.
;)

oh paaaa!

o yacaré dos animasonho, ese tipo tan divertido que non para de repetir oh paaa!, volve a compostela esta semana. a compañía de títeres do brasil trae na maleta as clásicas bonecrónicas e o conto o ferreiro e o diabo. na sala yago a partir deste xoves e ata domingo.

eu non quero ir a escola eses días ;)

ofrécese cidadán do mes

contacto: horacio dopico
se precisas os servicios dun investigador en estado de sede permanente ou simplemente sentes unha curiosidade negra, atoparalo este xoves ás 20 horas na librería sisargas (curros enríquez 9, a curuña)

14 euros

Ganei unha porra

a noite das letras

non fun a ningún acto das letras. non escoiter ningunha charla sobre o autor do ano, nin poetas, nin mesas redondas, nin festas, nin concertos nin nada....pasou coma un día máis, sen pena nin gloria,e nin conta me dera que era tal data ata que contra o fin da tarde entrei na biblioteca máis grande na que estiven nunca . sete pisos de superficie digna de ver cheos de estantes e estantes con libros, algo máis de dous millóns de libros en fondo, según me explicou a senhora bibliotecaria. alucinei. pensei, lástima que todo sexa en alemán e que non poida ler nada....se todo isto estivese escrito en galego...
e aí foi cando me decatei de que hoxe era día das letras.

...haberá tanto escrito na nosa lingua como para encher isto?

cosmofotos

aló están

ático

chicago é unha cidade populosa e trisilábica
con este verso comeza o ático de arsenio iglesias, poeta visitante desta casa e participante do obradoiro de poesía de fene dende hai xa uns anos, que ven de gañar o premio avelina valladares con este seu primeiro libro. ático é un lugar cheo da poética das cousas pequenas e cotiás, feito coa sabedoría dos que saben ver nunhas mans estendidas un regalo e coa ansia dos que comparten sensacións do corpo.
lean un pequeno adianto na casa do hqtordv.

de barsowia a barcelona

en polaqia a esta altura do ano deben estar celebrando que na lista de nominados aos premios que outorga o público no salón do cómic de barcelona se atopan david rubín como mellor autor revelación e a publicación barsowia como mellor fanzine. por aquí unímonos á súa ledicia e votamos para que lles den eses ben merecidos recoñecementos.
eh...xa vos dixen que para votar é aquí?

non queda nada. xa están nos días dos últimos preparativos, e por suposto, xa se saben as datas e lugares nos que comezarán a súa ruta as dúas carpas con música e teatro e o arredemolab que constitúen o proxecto da cultura circula. arredemolab é un laboratorio informático itinerante montados en dous camións alimentados pola forza do software libre que achegará as virtudes das novas tecnoloxías a varias comarcas galegas. un proxecto aberto á participación e ao intercambio con moito para ver, facer e experimentar.
a partir do 4 de maio a lura marula estira os seus tentáculos. anden atentos!