29.11.06

os tempos do sonotone son chegados



nace o sonotone, unha revista galega adicada á música de aquí e de fóra, e onde podedes atopar novas, entrevistas e reportaxes ademais de seccións dedicadas ao cine e á literatura.

todas as semanas neste enderezo.

parabéns aos animadores desta iniciativa.

saúdoos dende barcelona.

27.11.06

chega novembro


novembro xa está aquí. e con todo o traballo que dou cando o escoite por vez primeira sentireime parir. a radionovela comezase a emitir a partir de hoxe na radio galega e durante sete días. todas as tardes ás 18:45.

xa me contarán que lles parece esta historia de baleas e contos que tramamos durante o verán.

o cartel é de julia montilla.

14.11.06

amigos do café, a caña e a laretada

este sábado, que cae a dezaoito de novembro, celébrase o filocafé proposto polas xentes da incomunidade e a corporación semiótica galega na localidade de rois. o local escollido para tal evento é o café as palmeiras, situado enfrente da casa do concello, e o lema que nos levará alí presenças, essências, ausências.
para quen descoñeza de que vai o asunto dos filocafés direilles que haberá café, literatura, teatro, videocreación, performance, conversa e que caerán algúns licores. non o dubiden.
a partir das nove da noite xa poden pasar a coller sitio.

12.11.06

isto non é un post










e este tío non é xenial ;)

7.11.06

as horas tontas

entre aula e aula veño ver a rede. entretéñome nestes dous lugares

machiños: a regueifa plataforma ofrece a posibilidade de ver o capítulo único desta serie de descarada e declarada inspiración sacada de os novos. O capítulo foi realizado na eis da coruña con máis acerto que moitas que se fan por aí cobrando- e ben-. divertida e surreal. mola ;)

videopoema V: sara jess, ociosa e traballadora ao mesmo tempo, rendeu o día de difuntos para facer unha novo videopoema. un home esperta un día e xa nada é coma antes...

despois vou á biblioteca a ler la jungla en versión de peter kuper. así se enganan as horas tontas.

despois miro billetes de avión por se nunca me saen ás.