antes do ano rematar

pois iso. que cuqui e eu, que somos moradores desta casa aberta, queremos mandarvos un bico do tamaño da fosa atlántica que se estampe sonoramente nas meixelas de aqueles que nos visitades en silenzo ou en voz alta. de non ser por vós esta casa estaría sempre coa porta pechada e as contras botadas. agradecidos pola compañía.
e ese mesmo bico que aperte forte aos queremos irremediablemente, aos que sempre nos acompañan e nos cuidan.

pasádeo ben. coma reises. e volvede co novo ano pola casa. que o día catro facemos unha festa ;)

aniversar

para quen hoxe celebra aniversario e non loterías.
bicos oceánicos!
;)

de tripas, señor rubín

facendo de tripas corazón, o señor diablito estrea caderno virtual. un lugar ideal para atopalo a el e aos seus deseños. dende a casatlantica alegrámonos desta estrea e recomendámoslle pacencia co animal blogger ;)
pasen, pasen, ata a cociña.

a primeira obra de arte

durante a miña curta estancia en barcelona e animada por helena e llito, magníficos anfitrións e mellor xente, fíxenme coa primeira obra para a futura pinacoteca . o cadro , que chegará despois de nadal, é unha pintura de llito e a súa terceira venta ;) así que me sinto aínda máis ilusionada de telo mercado. é a primeira vez que merco un cadro.

se queredes saber entre cales escollín, podedes ver a pintura de llito na rede, no seu blog, polo que podedes navegar varias páxinas sobre barcelona, animación, música e pintura.


o cadro gustoume dende a primeira vez que o vin. eu nel imaxino un coello gordo de orellas longas que intenta agocharse sen conseguilo detrás dunha flor. pero está quieto o cabrón do coello, pensando que ninguén o ve.


;)

a tetería de rubín

o señor diablito celebra o seu novo tebeo, publicado por astiberri,convidándoos a unha presentación festiva que terá lugar este sábado- que ven caendo a día 16- no café alfaiate da coruña, sito no campo da leña.
A partir das sete da tarde empezaran co licor, as sinaturas, a música e a carallada.

se non poden pasar a tal encontro, achéguense á tetería rexentada por este oso e afoguen as penas e dozuras entre as súas páxinas.

saúde!

parabéns ;)

xa poden consultar as listas de premiados do certame de poesía gzcrea e ver se entre os tres gañadores ou as tres mencións hai algún coñecido de vostedes ;) eu alégrome de atopar os versos de aldao baixo un título así e congratúlome só de pensar nas cañas coas que o celebraremos.
e sorrío tamén ao ver o xurado disfrutou os versos de ledicia costas, alberte momán e verónica martínez. parabéns tamén para brais martínez, que resultou terceiro premiado e a josé antonio cascudo, primeiro premio co seu manual do misántropo.

;)